نائب الناصيري فالوداد كلاشا شيبو: ماشي من شيمنا سب الأجهزة وخا نعيشو فقطر ونربعو فبلاطو “BeIn”

كود سبور//

رد سعد الدريب نائب رئيس الوداد الرياضي سعيد الناصيري على الدولي المغربي السابق سعيد شيبو اللي حط سطوري كينتقذ فيه الحكم رضوان جيد اللي قاد ماتش ديري الوداد والرجاء يوم الأربعاء الماضي في البطولة.

وخرج المسؤول الودادي على الفيسبوك ديالو وكلاشا سعيد شيبو وقال: “ساهل البكا و ساهل الشكا و ساهل تخراج العينين و السب و القذف فالأجهزة الوصية و العيش على نظرية المؤامرة و النية المبيتة la victimisation !! لكن هذه ليست من شيمنا و لا هويتنا و لم و لن تكون من ثقافتنا وخا نعيشو فقطر و نربعو فبلاطو BeIn عاش نادي الوداد الرياضي”.

وكيجي هذا الرد من بعدما انتقذ سعيد شيبو المحلل المغربي في قنوات “بيين سبور” القطرية للحكم رضوان جيد وحط سطوري بانستغرام قال عليه “سيء”.

https://m.facebook.com/story.php?story_fbid=pfbid0pBwC3Pi4hZk6uWVLJe1tXHsmL4QfNb471yM7AyaCU3ZG4mCzqFdNuXYeeQ6w6DCxl&id=644810806&mibextid=Nif5oz

إقرأ الخبر من مصدره