كود سبور//
عبر تشافي هيرنانديز مدرب البارصا على الفرحة ديالو بالمستوى د النجم المغربي عبد الصمد الزلزولي اللي كيلعب مع أوساسونا بريطي من البارصا، وأكد أن الأخير محتاج لبحال هذا النوع من اللاعبين.
وتحدث تشافي مدرب البارصا في تصريح له على عبد الصمد الزلزولي وقال: “عبد الصمد كيستافد مزيان من الإعارة ديالو، وحنا فرحانين به بزاف، وفالبارصا محتاجين لبحال هؤلاء اللاعبين بهذا المستوى اللي كيديرو الفرق”.
وأكد تشافي: “ملي يرجع عبد الصمد الزلزولي من الإعارة للبارصا غادي نقرروا شنو غانديرو، واللي نقدر نقول هو أن اللاعب ممكن يكون مهم بالنسبة لنا”.
وكيواصل الدولي المغربي عبد الصمد الزلزولي التألق مع أوساسونا في بطولة إسبانيا وماركا له البارح 2 بيوتا ساهم بهما في انتصار الفريق على التشي، مع العلم أن الزلزولي كيلعب بريطي مع أوساسونا من البارصا حتى نهاية هذا الموسم.
Laisser un commentaire