كود سبور//
كيعيش الرجاء الرياضي ظروف صعبة بسبب الأزمة المالية والتسييرية اللي وضع فيها عزيز البدراوي الفريق، وهذا الشي قبل ما يلعب الماتش المهم ديالو الأربعاء المقبل، أمام حسنية أكادير برسم ثمن نهائي كأس العرش.
ورجع فريق الرجاء الرياضي إلى التداريب ديالو اليوم الاثنين، ولكن الحصة التدريبية اللي تدربها بلاكاديمي ديالو ببوسكورة، عرفت غياب كل من محمد زريدة، ونوفل الزرهوني، ووليد الصبار بسبب الإصابة، وبالمقابل كانوا باقي العناصر حاضرين.
ومازال غيتدرب الرجاء الرياضي غدا الثلاثاء حصة تدريبية أخيرة بكازا، قبل ما يشد الطريق إلى مدينة أكادير باش يلعب مع الحسنية في كأس العرش.
Laisser un commentaire