محمود الركيبي -كود- العيون//
تسببات شركة خاصة بتعبيد وتزفيت الطرقات فكارثة بيئية، نجم عنها نفوق رؤوس كثيرة من الأغنام بمنطقة بئر إنزران للي كاينة على 170 كلم شرق مدينة الداخلة.
وأظهرت صور وفيديوهات تم تداولها على نطاق واسع، كيفاش تسبب الزفت فنفوق أزيد من 80 رأس من الغنم لي وحلات فيه، بعدما تخلصات منو الشركة فمنطقة كيتواجد فيها عدد كبير ديال قطعان الأغنام، حيث عرفات هاد البلاصة تهاطلات مهمة من الأمطار خلال الأشهر الأخيرة.
https://fb.watch/jSipAHVhZP/?mibextid=qC1gEa
هذا وقد علقت الأغنام في مستنقع من الزفت المستعمل، لي تخلصات منو الشركة بطريقة عشوائية، مما يضع علامات استفهام كبيرة بخصوص طريقة اشتغال هاد الشركات فعدد من المناطق، ويضع مراقبي عمل مثل هاد الشركات تحت المجهر.
هذا وطالبت عدة فعاليات مدنية وهيئات جمعوية من المسؤولين بالضرب بيد من حديد للي تسبب في هاد الفعل الخطير، للي كيهدد الحياة البيئية والحيوانية، وللي تسبب كذلك فخسارات مادية ونفسية لملاك هاد المواشي للي كتعتبر مكسب رزقهم الوحيد.
Laisser un commentaire