شعب سكيزو. كيتخاطفو بالتدخلات بالفلوس باش يقريو ولادهم ف”ميسيون” باش يقريوهم الاسلام. برلمانية من البام بغات مؤسسات البعثة الفرنسية تكون اسلامية مقلقة حقاش كيقريو “المثلية” وسيري ديري مدرسة مغربية وما تحتاجي لحد

كود الرباط//

البرلمانية البامية حنان اتركين من مراكش بغات من الخارجية تدخل فموضوع غريب، موضوع متعلق بمناهج تعليمية للبعثات الفرنسية.

وقالت اتركين في سؤال كتابي موجه لوزير الخارجية ناصر بوريطة، بأن “بعض مؤسسات البعثة الفرنسية في المملكة، تقوم بتصرفات بتصرفات تمس الثوابت الدينية والوطنية للبلاد”.

وأضافت اتركين :”هذه التصرفات أثارت حفيظة الأسر التي لم تكن تتوقع أن تتحول الفضاءات التعليمية التي يدرس بها أبناؤها إلى أماكن لتصريف حسابات سياسية والقيام بتصرفات غير معقولة”.

وأضافت بلي بعض الأمثلة :”عرض خريطة المغرب مبتورة من صحرائه، ومنع بعض المستخدمين من أداء فريضة الصلاة بأماكن معزولة بمقرات العمل، والتشجيع على المثلية، وغيرها من الممارسات المشينة”. حسب ما جاء في مادة إخبارية للموقع الرسمي للبام.

ياك يا حنان ما بغيتيش لمغاربة يقراو فمدارس البعثة لا الفرنسية لا غيرها ونوضي ضاربي٬ ياك حزبك فالحكومة٬ على المدرسة المغربية يكون النيفو ديالها طالع.

دابا هاد البرلمانيين ومعاهم ملايرية لبلاد كيضاربو باش يدخلو ولادهم للميسيون وما كيقريوشهم فمدارس مغربية فيها التربية الاسلامية والدين وووو وكيهدرو على مدارس دول عندها سيادة. عندها قوانين لحماية المثليين. عندها كتب جغرافيا معتمدة فكاع دول العالم وفيها باللي الصحرا فيها خطوطا. هادي ديبا خاوية

إقرأ الخبر من مصدره