صابر: الوداد ربحت التواركة حيث عندها غياكسيون ديال البطل

كود سبور//

أكد عبد الإله صابر المدرب المساعد بالوداد الرياضي أن الفريق كانت عندو ردة فعل قوية خلال الماتش ضد اتحاد التواركة برسم الدورة 23 من البطولة الاحترافية لكرة القدم، الشي اللي مكنو يربح المباراة.

وتحدث عبد الإله صابر من بعد فوز الوداد على التواركة بنتجية 2 لواحد وقال: “الماتش ضد التواركة كان فيه شوطين مختلفين، الشوط الأول مشينا فسيستيم ديال اللعب اللي عاون التواركة أكثر ما عاونا حنا، خلال الشوط الثاني حاولنا تدارك الأمور قمنا بتغييرات وكان عندنا بون كوتشينك وقدرنا نعالجو الأغلاط ديالنا وخصوصا فالدوزيام بال ووسط التيران وقدرنا نخرجو بثلاث نقاط اللي مهمة وهادي هي لاغياكسيون ديال البطل”.

وصعد الوداد الرياضي من بعدما ربح فريق اتحاد التواركة إلى صدارة البطولة الاحترافية مؤقتا برصيد 49 نقطة، والفريق غيمشي لتنزاتا يلعب ضد سيمبا التنزاني في ربع نهائي عصبة أبطال إفريقيا وهو ناشط والمعنويات مرتفعة.

إقرأ الخبر من مصدره