وكالات//
العالم ديال الذكاء الاصطناعي غادي بطريقة كتخلع. شي ناس ولاو كيعتابرو ChatGPT معالج نفسي كيعاودو ليه مشاكلهم الشخصية ويتكلمو معاه على حياتهم.
ميلو فان سليك، المساعد القانوني في ولاية ساوث كارولينا الأمريكية، قال إنه ارتاح ملي عاود لبرنامج ChatGPT الأزمات الشخصية لي كيعيش والمشاكل ديالو مع والديه.
سليك قال أنه ديما كيحس براسو كيبرزط الناس لي كيتشكا عليهم، بمن فيهم طبيب ديالو، ولكن حس براحة كبيرة ملي دوا مع الذكاء الاصطناعي، وحس أنه سمع ليه بصح بحال شي صاحبو، ومحكمش عليه.
المساعد القانوني هو واحد من بين بزاف الناس لي كشفات عليهم مجلة Bloomberg Businessweek الميريكانية لي دوات مع ناس كثار كيعتامدو على ChatGPT كمعالج نفسي.