كود الرباط ///
ناصر بوريطة وزير الخارجية والتعاون على حالو فعلاقتو بنساء الخارجية. علاقتو بالسفراء كارثية ولكن علاقتو بالمرأة الموظفة اكثر. اللي كان جابها مديرة لمديرية الديبلوماسية العامة والفاعلين غير الحكوميين نجلاء بنمبارك وبعد ما مرمط بيها الدنيا وبانت ضعيفة ما قاداش على هاد المسؤولية وبعد ما عاقبها ودوزها فمجلس لهاد الشي٬ خرجات اليوم 27 ابريل 2023 وكتبات على صفحتها فتويتر باللي “هادي هي اخر سيمانا ليها” فهاد المديرية اللي كتكلف بالتواصل
يعني ان بداية ماي غادي يجيب بوريطة شي حد اخر. هاد الوزير اللي عزيز عليه غير يركب على خدمة مؤسسات اخرى ويتصور واللي عندو ميزانية ديال وزارة الهجرة كان خداها بعد ما مشى بنعتيق وبيها شاري هناه من عند عدد من المؤسسات الصحافية اللي كتصورو بطل كاع٬ بين مرة اخرى كرهو للنساء. رفضو تكون مرا فالمسؤولية. شوفو عدد السفيرات اللي مشاو من داخل الخارجية فالتعيينات اللي وقعات فعهدو وتشوفو الفرق.
طبعا بوريطة اللي هان نجلا بن مبارك بعد ما عرف باللي ما فيدهاش وحتى هو ما فيدوش٬ سخسخها. اليوم خارجة كتشكر فيه.
دارو ليها حفل وحضر ليه. باش كتعرف كلشي عوج. هي اول مرة كتدخل لهاد الوزارة. مشات كتقول هادي اخر سيمانا لي فهاد المديرية وغادية تبدا تجربة مهنية اخرى. ما قالش خرجات من الخارجية لان هاد الشي اللي منطقي. هادي جات غير لهاد المنصب. اش ممكن دير فهاد الوزارة ايلى فشلات فالحاجة اللي كتقول كتعرف ليها. اي منصب راه فضيحة لبوريطة.
غير هو هاد بوريطة مولف على هاد التخربيق. ديما كيكره لعيالات اللي فيديهم ودابا حتى اللي ما فيديهمش بحالو كيجري عليهم
Laisser un commentaire