كود سبور ///
قال محمد بورديقة رئيس الرجاء البيضاوي الاسبق ل”كود” ان البدراوي رئيس الرجاء السابق “نصب علينا كجمهور وكنادي وكأعضاء وكرؤساء سابقين”
واضاف المسؤول السابق ل”كود” ساخرا “هاد عملية النصب غادية تكون فالجزيرة الوثائقية مستقبلا كسابقة فالتاريخ”
عملية النصب هادي شرحها بورديقة ل”كود” “باع الوهم وكذب علينا وعلى مكونات نادي الرجاء البيضاوي”، واضاف ل”كود” “دخل على اساس من صحاب المال والاعمال وعارف الوضعية المالية للنادي، الا انو بحدود الساعة ما عمرو خلص شي منحة سنوية للاعبين فالعهد ديالو، عكس الرئيس السابق المحامي انيس اللي خلص المنحة السنوية فعهدو”
بورديقة اكد ل”كود” باللي البدراوي جا على لسان مول الشكارة وباش يسدد الديون ويجيب لعابة كبار والعكس هو اللي وقع. ما خلص اللعابة. ما عطى ريال. واش هادا ماشي نصب”.
فموضوع ماتش الرجاء ضد الاهلي فربع نهاية الابطال الافريقية تساءل بورديقة عبر “كود” ” هل يعقل ان فريق لاعب عصبة الابطال وما عندوش باش يدخل لوطيل. ثم هل يعقل فاجعة الاهلي ما لقاتش طونوبيلات ويجي منخرط يخلص من جيبو حفاظا على سمعة النادي”
ثم اضاف ل”كود” “هل يعقل ان نزاعات الفريق كانت 900 مليون ولات اصبحت 3 مليار بسبب التسيير العشوائي ووعودو الكاذبة. اما الطامة الكبرى هو التنظيم الكارثي للمقابلة ديال الراجا اللي توفات فيها الرجاوية نورا. كيفاش تعطى التنظيم لمول سناك. او من سناك لعصبة الابطال
Laisser un commentaire