كود الرباط ///
قررات سلطات كازا والرباط يمنعو تنقل جمهور الجيش الملكي لمشاهدة واحد من اهم ماتشات البطولة بين الوداد البيضاوي والجيش الملكي بمركب محمد الخامس بكازا بعد غدا لاربعا
وحسب مصدر قدم نفسو بالمقرب من المنظمين فهاد القرار جا بتنسيق بين سلطات المدينتين وبررت باللي ماشي اول مرة كيكون قرار بحال هادا لتفادي اي نوع من الشغب
الماتش كيجمع متصدر البطولة الجيش الملكي ب50 نقطة بمطاردو الوداد البيضاوي اللي عندو 49 نقطة. ايلى ربحات الوداد غادية طير علي المقدمة وغادي يخلي اخر دورات البطولة كلها تشويق واثارة
الماتش ملعوب لاربعا مع السبعة ونص دالليل