كود- عن بي بي سي//
قال موقع ” بي بي سي ” فتقرير له ان المغرب يقدر يحل أزمة الطاقة فأوروبا اللي تسببات فيها الحرب فؤكرانيا.
وفهاد الصدد كيقول رائد الأعمال المغربي مندير زنيبر صاحب شركة”Gaia Energy” فتصريح له لموقع ” بي بي سي”، الموارد اللي عندنا تقدر تكون وحدة من الاجابات الكبيرة للطلب الأوروبي.
ويضيف : “كنعتقد أن المغرب كيمثل أفضل فرصة لإبعاد القارة الأوروبية عن التبعية للغاز الروسي”.
وكيقول ان المغرب كيمتلك أحد أفضل موارد الطاقة الشمسية وطاقة الرياح فالعالم مجتمعين”. ويضيف ” معندناش نفط ولا غاز طبيعي ،و لكن عندنا إمكانات اخرى .”
ويشير زنيبر ان المغرب عندو خطط طموحة لتوليد 52٪ من الكهرباء من مصادر متجددة بحلول عام 2030، ولكن كيقول انه فالوقت الحالي ، خص البلاد تزيد من مزارع الطاقة الشمسية وطاقة الرياح.
ويشير زنيبر أن شركة “Gaia Energy ” خدامة على تطوير أنظمة طاقة الرياح والطاقة الشمسية اللي يمكن تلبي ما يصل الى 4٪ من احتياجات الكهرباء فألمانيا وإيطاليا. “وفيما يتعلق بالهيدروجين الأخضر ،قال ” عندنا ستة ديال المشاريع كتطورها شركتنا واللي يمكن تلبي 25٪ من احتياجات الاتحاد الأوروبي.”
وفالوقت نفسو ، كاينة شركة” Xlinks “البريطانية الناشئة فمجال الطاقة اللي عندها خطط لبناء كابل كهرباء تحت البحر من المغرب للمملكة المتحدة. وتأمل أن توفر الطاقة الشمسية وطاقة الرياح المغربية 8٪ من متطلبات الكهرباء فالمملكة المتحدة بحلول عام 2030.
ويشير الموقع أن زيادة حجم توليد الطاقة الشمسية وطاقة الرياح فالمغرب ممكن تعزز النمو الاقتصادي فالبلاد ، وفقًا للبنك الدولي. اللي عطا ملايين الدولارات لتمويل القطاعات.