كود سبور//
ناضو شي منخرطين داخل الرجاء الرياضي كيتحركو من أجل تأجيل الجمع العام لانتخاب رئيس جديد ياخذ بلاصة الرئيس المستقيل عزيز البدراوي، وهذا من بعد الضغط الكبير والقوي اللي قامت به جماهير الخضرا والأغلبية من المنخرطين باش جراو على مول الزبل من النادي.
وكشفت مصادر جيدة الاطلاع، بلي كاينين شي أقلية من المنخرطين باغيين يتقدموا بمقترح إلى المكتب المديري الحالي والهدف ديالهم أن الجمع العام يتأجل من 26 ماي الحالي إلى شهر يوليوز المقبل بدون مبرر مقنع حيث جميع الظروف كتأكد على ضرورة التعجيل بعقد الجمع العام حيث الرجاء لا يمكن أنها تبقى بلا رئيس بعد استقالة “الهضراوي”.
وحسب نفس المصادر، فنايضة بين المنخرطين ديال الرجاء الرياضي دابا بسبب مطالب هاد لاكليك بتأجيل الجمع العام، والأغلبية د المنخرطين بالنادي ضدها ورافضين تأجيل موعد انتخاب رئيس جديد لما بعد 26 اللي تحددت سلفا، وهدفهم التعجيل بإنتخاب رئيس جديد يليق بالرجاء واسمها وقيمتها وباغيين تغيير عزيز البدراوي واللي معه في القريب العاجل، حيث لا يمكن أن كرسي رئيس النادي يبقى خاوي لمدة طويلة حيث هذا الشي غيدي الفريق إلى المجهول ويزيد يغرقو كثر ما غرقو مول الزبل، مع العلم أن صلاحية تأجيل الجمع العام عند الرئيس عزيز البدراوي اللي أعلن عن الاستقالة ديالو الخميس الماضي.
Laisser un commentaire