نجوى المالحي-كود//
غالبات نايلة التازي منتجة مهرجان كناوة موسيقى العالم الدموع ديالها هي كتكلم على وفاة خليل الهاشمي الادريسي، المدير العام لوكالة المغرب العربي للأنباء.
وعاودات نايلة أن خليل حضر في حياتو كاملة مرة وحدة لمهرجان كناوة، في الدورة 23، وعبر ليها على الحسرة ديالو حيت ضيع السنوات لي قبل، ومكانش كيحضر ويستمتع بالحفلات والأجواء.
ووضحات المتحدثة في الندوة الصحافية لي تعقدات اليوم الاثنين في كازا، أن الهاشمي ملي رجع طلع راديو كناوة سماوي.
والى جانب خليل الهاشمي، تكلمات نايلة على مليكة كينيا، مرات لمعلم كينيا، لي ماتت، وضربات بيها المثل واعتبراتها مرا قوية ومثالية، وقالت “خلات بلاصتها كبيرة. توحشناها”.
Laisser un commentaire