السكوري وزير “بلا بلا بلا” الحاجة الوحيدة لي خصو يديرو يحط سوارتو يمشي فحالو.. كيجيب نعاس للبرلمانيين وهضرتو خاويا وفشل فملف التشغيل وهو مول اوراش للي كتشبه الانعاش – فيديو

كود الرباط//

الللي متبع الجلسة المخصصة للأسئلة الشفوية بمجلس المستشارين، غايجيه نعاس، والسبب طبعا وزير الشغل يونس السكوري، اللي كيهضر كثر من نص ساعة بلا ما يقول فكرة مقادة.

https://fb.watch/kqdKveq8KD/?mibextid=qC1gEa

السكوري، ختار يجاوب البرلمانيين والنقابات، بلسان ثقيل كيجيب نعاس للنواب وللمتتبعين، باش يعطي حصيلة الحكومة فالحوار الاجتماعي.

وزير “بلا بلا” عارف راسو فشل فملف التشغيل، والدليل هو أرقام المندوبية السامية للتخطيط لي كشفات بلي ارتفاع نسبة البطالة لـ13 فالممائة، وأن ما يناهز 90 في المئة من المناصب المفقودة بين مارس 2022 ومارس 2023 تعد مناصب شغل غير مؤدى عنها، مقابل فقدان 13 ألف منصب شغل مؤدى عنه.

وخلال الفترة ما بين الفصلين الأولين من سنتي 2022 و2023، انخفض عدد السكان النشيطين (في حالة شغل) من 10.697.000 إلى 10418.000 شخص، أي بخسارة صافية قدرها 280 ألف منصب شغل خلال سنة واحدة”.

دبا هاد الارقام بوحدها كافيا تخلي ها وزير “اللاشغل” يقدم استقالتو، ويعترف بفشلو فهاد الملف، خصوصا وأن مول برنامج أوراش لي عرف فضايح وشبهات تلاعبات كثيرة منها لي مشات للنيابة العامة.
وزير كيهضر كأنه هو رئيس الحكومة، اليوم هضر على كولشي الصحة التعليم وو.. في حين مطلوب منو غير يهضر على نتائج الحوار الاجتماعي.
وزير “بلا بلا بلا” حتا حد مفهموش، طول فالهضرة بزاف وزيد عليها عزيز عليه يبان فالصور “انا مضوي البلاد”.

إقرأ الخبر من مصدره