كود سبور//
أكد هشام آيت منا رئيس شركة شباب المحمدية والخصم المقبل للرجاء الرياضي في كأس العرش، أن الخضرا غتخرج من الأزمة اللي حطها فيها الرئيس الهارب عزيز البدراوي، حيث عندها عدد كبير من المحبين اللي كيبغيوها وأن المرشح الحالي والأقوى لرئاسة النادي محمد بودريقة أحسن من “الهضراوي”.
وقال هشام آيت منا فتصريح خاص لموقع “كود”: “لا خوف على الرجاء بعد هروب البدراوي، حيث واخا يهرب واحد غيبقاو الآلاف ومئات الآلاف والملايين من المشجعين الرجاويين، وانتخاب رئيس جديد للرجاء هذا الشي كيبقى شغل الرجاويين ومنخرطيهم وبرلمان الرجاء أنا بعيد عليا هذا الشي”.
وبمقارنة بين محمد بودريقة وعزيز “الهضراوي” قال ايت منا: “صعيب عليا نقول فاش حسن منو، ولكن المهم حيث بودريقة رجاوي راه هذه كافية باش تبين لك بلي حسن منو”.