كود كازا //
الرابور الفرانساوي- السينغالي، بوبا، دار فيديو كيوضح فيه بعض النقط..
اولا بوبا قال ان الحفل ديالو فكازا مازال ماتلغاش، وكيتمنى انه مايتلغاش.
واكد الرابور انه كيبغي المغرب، وديما كيدوز فيه العطل ديالو. واضاف انه ماعمرو فحياتو سب شي مغربي او افريقي.
بوبا ناض عليه اللغط الشهر اللي فات، فاش انونسا انه غايدير كونصير فكازا.. بزاف ديال الناس قالو انه ماخاصوش يغني فبلادنا حيت كيسب المغربيات.. علما ان الراب كامل سبان وكلاش وبيف وصداع… وهو فن! اذا خاص يكون حر.. على هاد الحساب فمريكان كان خاص يمنعو الروابا ديال الويستكوست يغنيو فالإيستكوست، من قوة السبان والمعيور بين توباك وبيگي وعشرانهم!
https://fb.watch/ky8iXC_2NH/?mibextid=cr9u03
Laisser un commentaire