كود سبور//
تأهل إنتر الإيطالي إلى فينال دوري أبطال أوروبا لكرة القدم، بعدما ربح فدومي فينال الغريم ديالو ميلان اليوم الثلاثاء وهذا الشي قدام عينين الدولي المغربي أشرف حكيمي نجم باريس سان جيرمان الفرنسي، وكان حاضر فالتيران يشجع الفريق السابق ديالو إنتر.
وفاز إنتر على ميلان فماتش الاياب بنتيجة واحد لزيرو ماركاه له الكابيتان ديالو لوتارو وهذا الشي بتيران جوزيبي مياتزا بمدينة ميلانو حسب ما مسمينو إنتر، وهو نفس التيران اللي تلعب فيه الذهاب والميلان مسمينو سانسيرو، مع العلم ان انتر ربحوا حتى فماتش الألي بنتيجة 2 لزيو.
وغيلعب انتر الايطالي فالفينال ديال دوري أبطال أوروبا، مع المتأهل من دومي فينال مانشستر سيتي الانجليزي وريال مدريد اللي لاعبين غدا الروتور، وكان ماتش الألي سالا بين الفريقين بمدريد تعادل واحد لواحد.