دابا هادو يدافعو على السينما فعرسها العالمي كيدورو فكان بفلوس الدولة. علاش يمشي مستشار بنسعيد؟

كود كازا ///

يوسف بريطل مستشار وزير الاتصال مكلف بالسينما كيدور فكان. هاد الولد اللي دار شوية التمثيل قبل ما يولي مخرج افلام ضعيفة. اليوم هو الرجل القوي فالسينما المغربية٬ مستشار وزير الاتصال والثقافة مكلف بالقطاع.

بريطل فزمن كان فيه امثال نور الدين الصايل ما يقدرش يحط رجلو فكان٬ ماشي غادي يمنعو. اللا. غادي يحشم على راسو حقاش عارف مستواه السينمائي.

ماشي غير بريطل اللي مشى٬ غير هو اللي ما عندو علاش يحضر ل”كان”. كاينة معاهم نرجس النجار مديرة “سينيماتيك” اللي كان جابها المدير السابق صارم الفاسي الفهري فاطار المحاباة مع منتجة سينمائية اسمها الشرايبي.

كاين ستاند المغرب ويحضر مدير المركز السينمائي المغربي ويحضرو ناس المركز

هادو ما لقاو باش يبررو وجودهم فكان من غير يجيبو فوزي بنسعيدي وكمال الازرق اللي مشاركين فالمسابقات الرسمية لهاد المهرجان.

قبل كان يمشي ناس المركز السينمائي مع المدير اللي كيفهم فالسينما. كان احترام للجناح المغربي. اليوم تقلبات وكالة اسفار كيحوصو امثال بريطل فكان من فلوس دافعي الضرائب.

إقرأ الخبر من مصدره