كود سبور//
تبرأ فالينسيا الإسباني من حادث العنصرية اللي تعرض له لاعب ريال مدريد فينيسيوس جونيور فماتش الفريقين بالبطولة الإسبانية، وأكد أن اللي غيتأكد التورط ديالو من جمهورو فالاعتداء على اللاعب راه عمرو مازال يدخل للتيران يتفرج.
وخرج فالينسيا الإسباني بيان قوي وصارم قال فيه: “قرر فالنسيا طرد المشجعين اللي قاموا بإشارات عنصرية لـ فينيسيوس جونيور من الملعب مدى الحياة، وهذا السلوك لا يتوافق مع قيم نادي فالنسيا وجمهورو”.
وتعرض فينيسيوس جونيور لاعتداء من طرف جماهير فالينسيا فالماتش مع ريال مدريد، واللاعب فقد الأعصاب ديالو وخرج مطرود ولكن خرجت حملة تضامن كبيرة معه وحتى القضاء الإسباني دخل على الخط والنيابة العامة الإسبانية فتحت تحقيق.