كساب السردي لـ ” كود ” : هاهو الفرق لي كاين فالاثنمة ديال الحوالى – فيديو

مصطفى المزابي-كود سطات //

قرب العيد الكبير وبدا النقاش على الحوالا،” گود “مشات لاقليم سطات وبالتحديد فالمنطقة ديال اولاد مراح سيدي حجاج امزاب باش تسول الكسابة كبير على گاع ذاك الشي لي كيخص العيد وقوامو وطبعا البطل ديالنا الحولي.

وبعدما وصل طاقم “گود “سول صاحب الضيعة لي تكسب حوالي 600 راس من الغنم .

السؤال الاول ليطرحاتو “كود ” على صاحب الضيعة غليم البوعزاوي واش كين هذا العام مشكل في الحولي ،جوبنا اوقال ان هذا العام الخير موجود ونفس داك الشي ديال العام لي فات من الحولي كين هذا العام بالمنطقة ،عير الثمن زيد هذا العام من 500 درهم تل 1000 درهم وذلك راجع الى غلاء الأعلاف الخاصة بتربية المواشي خلال هذه السنة، التي تميزت بالجفاف وندرة التساقطات المطرية مما ادى الى ارتفاع أثمنة الأكباش،

واضاف غليم في تصريحه ل “كود ” ان الثمن ديال الحولي لغليض مزيود فيه 1000 درهم او الناقص مزيودفيه من 500 تل 700 درهم ،أما سلالة الصردي لمليح قدر اوصل تل مليون نصف على حساب السلعة لبغا المواطن ،اما بغتي تشري 2000 رهم راك تشري او لا بغيتي تشري بمليون نص تشري على حساب قدرة المستهلك .

مصدر اخر ديال “كود” قال ان غياب الأجهزة المختصة في المراقبة للحد من ظاهرة الشناقة، هي التي تساهم فارتفاع اضحي العيد وخاص اجهزت المراقبة تفعل خدمتها باش تحافظ على القدرة الشرائية ديال المستهلك .

إقرأ الخبر من مصدره