الرجاء سالاو البطولة برباح معنوي على الجديدة بعد موسم كارثي خرج فيه البدراوي على الخضرا

كود سبور//

ختم الرجاء الرياضي البطولة الاحترافية لكرة القدم، برباح معنوي على الجريح الدفاع الحسني الجديدي، اليوم بملعب مركب محمد الخامس بالدار البيضاء، برسم الدورة 30 والاخيرة.

وربح فريق الرجاء الرياضي الدفاع الحسني الجديدي بنتيجة 3 مقابل 2، وانتظر الشوط الثاني باش يماركي وسجل له الأهداف ديالو كل من محمود بنتيك فالدقيقة 61، وبوشعيب عراسي فالدقيقة 71، سفيان بنجديدة فالدقيقة 78، وبعدها غيقدرو الجدديين يقلصوا الفارق وماركاو 2 بيوتا سجلهم كل من عبد الحميد فراس من بيلانتي فالدقيقة 88، وعبد الرحيم أبركيل فالدقيقة 90.

وبهذا الرباح، سالا الرجاء الرياضي البطولة الاحترافية لكرة القدم للموسم الرياضي 2022- 2023، فالمركز الخامس برصيد 44، وهي مرتبة ما كتشرفش الفريق اللي متعود يلعب على اللقب وما كيرضاش غير الرتبة الأولى وعندو المركز الثاني بحال الأخير، ولكن سوء تدبير الرئيس السابق عزيز البدراوي اللي قدم الاستقالة بعدما غرق الخضرا فالمشاكل جعل الرجاء يدوز موسم كارثي وعندو أمل واحد دابا هو يعتق العام بالتتويج بكاس العرش، أما الجديدة راه نزلو إلى القسم الثاني.

إقرأ الخبر من مصدره