كود سبور//
نايضة ففرنسا حيث اللجنة المنظمة لدورة الألعاب الأولمبية باريس 2024، دايرين الفرزيات وغير اللي عندو باك صاحبي هو اللي غيخلويه يضرب بيرات خلال المنافسات.
وكشفت جريدة “le parisien” الفرنسية، بلي الجماهير اللي غيحضرو باش يتفرجو فدورة الألعاب الأولمبية فباريس، ما غيكونش مسموح لهم يشربو البيرة، وهذا بقرار من المنظمين ديال هاد التظاهرة الرياضية.
نفس المصدر، أكد أنه كاين إستثناء فهذا قرار منع الشراب داخل المرافق اللي غتكون فيها المنافسات، ولكن هذا الاستثناء غيكون غير عند كبار الشخصيات وهم اللي بوحدهم عندهم الحق فالمشروبات الكحولية في الألعاب الأولمبية.
ومن شأن قرار منظمين دورة الألعاب الأولمبية باريس 2024، يؤثر على حضور الجماهير للمنافسات ديالها، حيث وحسب الجريدة الفرنسية كاينين بزاف من المتفرجين اللي كيبغيو يشربو كويسات وهم كيتمتعو بالفراجة، وهذا الشي غيتحرمو منو فهاد الدورة.
يفرض المنظمون الامتثال لقانون إيفين.
Laisser un commentaire