فين النقابة؟ ..تفاصيل الاعتداء الهمجي لي دارتو شركة أمن خاصة على مصور “كود” فتيران مولاي عبد الله

كود الرباط//

تعرض مصور “كود” لاعتداء همجي من طرف مستخدمي شركة الأمن الخاص “ops” التي يديرها رئيس غرفة التجارة والصناعة والخدمات، حسن الصاخي.

المصور قال بأنه “فاش دخل لتيران مولاي عبد الله حبسوه بوليس حيث معندوش بادج مراسل ديال “كود” وعطاهم رخصة مركز سينمائي لي كترخص ليه يصور وراها للبوليسي قاليه مرحبا لكن فاش ثم داخل حبسو امن خاص ديال شركة “ops””.

هنا القصة غاتبدا، هاد الشركة للي مولاها رئيس غرفة التجارة بالرباط واللي كولشي عرف كيفاش طلع رئيس مور “بلوكاج” وروينة، غايتعداو على المصور. طبعا كون كانو شي وحدين ديال شغب الملاعب ميقدروش هاد السيكيريتي يهضرو معهم ولا يحبسوهم.

القصة مكيهمش فيها دخل ولا خرج، للي خطير هو أن الأمن الخاص ديال شركة “ops” داير شرع يدو وشفتو على مصور كود اللي دافع على راسو أمام أنظار رجال الأمن الحاضرين.

الصاخي مدير سركة امن خاص “ops” جاي كيقول بلي خاص يتابعو قضائيا مصور “كود” رغم انه هو لي خاصو يتابعهم .
مراسل ديال “كود” ولا كولو دم مع ذالك دخل ودار تغطية رغم انف أمن خاص ديال شركة “ops” ديال الصاخي لي حتى معرفش كيفاش طاح على منصب رئاسة غرفة التجارة.”

هاد الصاخي ساخي فتوزيع المال “كاش” على الموظفين حسب يومية “الأخبار، لي كشفات في وقت سابق بأن “فضيحة أخرى تفجرت في وجه رئيس غرفة التجارة والصناعة والخدمات بجهة الرباط سلا القنيطرة، تتجلى في أداء أجور موظفين متعاقدين نقدا، وهو ما يخالف قواعد المحاسبة المتعلقة بأداء الأجور بالمؤسسات العمومية”.

إقرأ الخبر من مصدره