بعد “الحالمون” فيلم جديد كيتوجد على “الاسود” فالمونديال. عشرات الساعات من التصوير لنقل حميمية الاسود فقطر

كود سبور كازا //

علمت “كود” ان فيلم جديد غادي يدار على الانجاز التاريخي للاسود في مونديال قطر 2018. من المتوقع يتبث ف”الرياضية” او فشي قناة عمومية.

هاد الفيلم الوثائقي الجديد فيه جانب ما عمرو تشاف لمشاركة الاسود فالمونديال. وفق مصدر ل”كود” فخلال هاد المشاركة كانو تقنيين صورو بكاميرا “گو برو” تقريبا كلشي. “كاين مئات الساعات ديال المادة. فيها الاسود فالكار فالتداريب اللي ما كانتش مفتوحة للصحافة. باش كانو كياكلو. باش كانو كيحتافلو بعيد ميلاد شي لعابة. فالماتشات. بعد الماتشات فالفيستيار. هادو كلهم موجودين” يضيف مصدر “كود”.

هاد الوثيقة غادية تكون تاريخية يوضح مصدر “كود” حقاش كتعطي مشاهد ما عمرها تشافت. مشاهد اكثر قوة من مشاهد دازت ف”الحالمون”.

دابا خدامين على المونطاج. ما معروفش وقتاش يكون واجد.

إقرأ الخبر من مصدره