كود سبور//
أكد عصام الشرعي مدرب المنتخب الوطني المغربي الأولمبي، أن الأخير غيدخل الماتش ضد الكونكو غدا الجمعة فتيران مولاي عبد الله بالرباط، برسم الجولة الثالثة من دور مجموعات كأس إفريقيا لأقل من 23 عام، باش يربح واخا تأهل للدومي فينال.
وتحدث عصام الشرعي فالندوة الصحافية قبل ماتش المغرب والكونكو وقال: “جميع اللاعبين واجدين باش يلعبوا الماتش ونقدرو نعتامدو عليهم كاملين وكلهم بحال بحال عندنا، اللاعبين اللي غيدخلو ضد الكونكو الهدف ديالهم هو يربحو”.
وشدد مدرب المنتخب المغربي الاولمبي: “خاصنا نحافظو على روح الانتصار، وماشي نحبسو عند 2 ماتشات الفايتين اللي ربحنا، ضروري نرحبو ماتش الكونكو باش نبقاو غاديين مزيان فكأس إفريقيا”.
وكان المنتخب المغربي الأولمبي ضمن التأهل إلى دومي فينال كوب دافريك لأقل من 23 عام بعدما ربح غينيا وغانا متابعين، وجمع 6 النقاط عطاوه صدارة لكروب A، وغيدخل ماتش غدا ضد الكونكو بالجولة الثالثة، باش يحقق العلامة الكاملة، ويتسنى يوم السبت الجاي باش يعرف الخصم ديالو فنصف النهائي من لكروب B.