كود الرباط//
نفى مصدر مسؤول بوزارة الفلاحة في حديث مع “كود” منع تصدير فاكهة الدلاح إلى الخارج، مؤكدا بأن وفرة هاد الفاكهة حاليا مرتبطة بعوامل مناخية فقط.
وأوضح ذات المصدر في جوابه على سؤال “كود” حول سبب وفرة البطيخ هذه السنة بكثرة وقبل وقتو، واللي يقدر يعاود تجربة الليمون فالسنوات السابقة لي ضاع واضطر الفلاحة يقطعو الأشجار ديالو، (أوضح) بلي السبب هو الحرارة لي كاينا وخلاتو يطيب دغيا.
الدلاح موجود بزاف فالسوق وثمنو رخيص حيث طاب دغيا بسبب الحرارة لي كانت، وفق المصدر، نافيا تكون الوزارة خدا قرار ديال منع التصدير.
يشار بلي المغرب من أكبر مصدري الدلاح لأوروبا، ورغم ذلك كاين احتكار فهاد المادة والمضاربة فالأسعار.
Laisser un commentaire