كريم الصوفي – كود//
[email protected]
اختار مدرب المنتخب الوطني الأول، وليد الرگراگي، الجمعة للي فاتت، باش يدوز سويعات ف سبتة، مع أفراد عائلتو اللي ساكنين ف المدينة ويسترجع ذكريات الطفولة ديالو مع صحابو. الرگراگي دوز نهار العيد مع والديه ف كاستيخوس.
وحسب مواقع محلية بمدينة سبتة، دوز وليد الرگراگي تقريبا جوج سوايع ف المدينة مع الأقارب ديالو، من بينهم ولد عمو مصطفى، من سكان لوما لارجا، اللي قال للصحافة، إن وليد كان مصمم على زيارة سبتة واخا غير 10 الدقائق وخاذ تصاور مع بزاف ديال الناس اللي تعرفو عليه، ومشا لمقبرة سيدي مبارك وزار قبر العم ديالو، اللي غرس فيه شغف كرة القدم مني كان طفل صغير.
