كود الصويرة//
شهد دوار واسن التابع لبلدية الصويرة وقفة احتجاجية غريبة، هاذ السيمانة.
المحتجين هاذ المرة فيهم مواطنين ميركانيين دارو وقفة احتجاجية هازين لافتات كاتبين عليها “هاذي ماشي اوكرانيا”.
الوقفة اللي نظموها هاذ العائلات احتجاجا على هدم منازلهم، تخلطت فيها السياسة بحسابات ضيقة بصراع بين أطراف فالعمالة ورئيس بلدية الصويرة.
المسؤول على هاذ القرار غير واع أنه يمكن أن يسيء لعلاقات المغرب و أمريكا اللي كتساند مواطنيها فين ما كانوا.
المثير فهاذ عملية الهدم هو ان السلطة تخلطو ليها لعرارام ومشات هدمات مساكن مبينة فوق اراضي الملك، فالوقت اللي السلطة المحلية فشخص قائد قيادة الغزوة غمضات عينيها على البني العشوائي فوق اراضي الجموع.
قائد قيادة الغزوة هدم ديور حصلت اخيرا على رخص الاصلاح صادرة عن المجلس البلدي.
هاذ الشي اللي واقع فالصويرة كيعكس سوء التدبير و التردي الإداري اللي تفاقم بلا قياس فمدينة تستحق حكامة إدارية حسن من هاذ التخبط.
Laisser un commentaire