كود تزنيت//
اسبوع تقريبا و الرعاة الرحال محيحين فتافراوت المولود شرق مدينة تيزنيت وهي البلاصة لي كانت العام الفايت ساحة ديال الاعتداءات على الساكنة و الممتلكات ديالهوم حتى انهم تعداو على عضو جماعي.
وحسب الصور و الفيديوهات لي توصلات بيهم كود فهاد الرعاة جابو مئات الرؤوس ديال الغنم و المعز وكياكلو فأشجار اللوز و الخروب و الزيتون فدوار افلا نتدلي و بالضبط “القزبور”.
مواطنين في تواصلهم مع كود طالبو السلطات المحلية بالتدخل العاجل وحماية ممتلكاتهم حيت ولاو خايفين على ولادهم بسبب هاد الرعاة الرحال.
السلطات مطالبة بالتدخل العاجل لوقف زحف هاؤلاء الرعاة و الحاقهم الضرر بممتلكات المواطنين و باش نتفاداو مواجهات بحال العام لي فات.