محمود الركيبي -كود- العيون //
عاينت “كود” الشكل لي خذاه مصب واد درعة لي شرفت على الترتيبات ديالو شركة وطنية مختصة فتنظيم المهرجانات الكبيرة داخل وخارج المغرب.
التنظيم لي دار فمصب واد درعة، كيبان نقطة مضوية لدى زوار المدينة الأجانب وخصوصا الإماراتيين ولجنة اليونيسكو لي شافوا الطريقة المغربية فتنصيب الخيام على المنظر الطبيعي الخلاب لي كتمتاز منطقة واد درعة ولي كيطل على الأطلسي.
هاد التنظيم لي دار فمصب واد درعة، جا بوضع خيام وقاعات ومساكن فخمة للزوار وكبار الشخصيات وخصوصا من اللجنة الأممية اليونيسكو وامراء إماراتيين، لي خذاو فكرة مزيانة على هاد الشركة الوطنية.
مؤسسة الموكار فهاد الخطرة اعتامدات على الشركات الوطنية والذراع المغربي، باش يعطي صورة على المغرب فمجال تنظيم كبريات المهرجانات والمواسم لي كتعرف زوار بالآلاف من داخل وخارج الوطن.
