كود ـالرباط//
زينب الحمر فيزيائية وفنانة غتنظم معرض فني بدعم من وزارة الثقافة والشباب بعنوان “رؤى متقاطعة” مابين 13 و27 من شهر يوليوز الجاري بمعرض علال الفاسي بالرباط.
زينب بالحمر فيزيائية، أستاذة، وفنانة شغوفة، لوحاتها غالبة عليهم الواقعية والانطباعية التصويرية بحيث كتستمد الإلهام ديالها من الثقافة المغربية والإفريقية وكتاخد مشاهد من الحياة والمحيط وكتحطهم فاللوحات ديالها.
لوحات بالحمر اللي غتعرض كتعكس نظرتها الفنية واستكشافها للثقافة المغربية بكل مجدها وجوانبها من أعراس وتقاليد وصناعة التقليدية.
وخصصات بالحمر حيز كبير للمرأة وجسدها كقضية رئيسية فالتفاعلات الاجتماعية، ودارت التفاتة ايضا فاللوحات ديالها للمرأة الأمازيغية الريفية وصفاتها الاستثنائية بحال المثابرة والصبر والمرونة وتحملها للعبء الاجتماعي والاقتصادي والأسري.
Laisser un commentaire