صدمة البدايات.. “ثريدز” مبقاش قادر ينافس “تويتر”

وكالات//

صحيفة The Guardian البريطانية قالت أن بزاف ديال ناس شتاركو فتطبيق جديد ديال”ثريدز” Threads ملي يالاه بان، ولكن لفرحة مكملاتش حيت هاد لإقبال بدا كينقص مؤخرا على حساب تقرير لي دارو موقع Similarweb للتحليل الرقمي.

لبيانات ديال موقع Similarweb كشفات على أنه 5 مليون ديال ناس لي شتاركو فساعات لولى لي تطلق فيها التطبيق ديال مارك زوكربيرغ، ، وفسيمانا كثر من 100 مليون لي شتاركو فيه، ولكن من بعد 3 ديال سيمانات، الاستخدام اليومي نقص بزاف من 49 مليون ف7 يوليوز ل 12 مليون ف22 يوليوز.

ولبيانات كشفات على أن ناس لي كيخدمو ب “ثريدز” فنهار قل بزاف من ناس لي كيخدمو بتويتر، ولمتوسط ديال عدد المستخدمين ديال تويتر كثر من 100 مليون فنهار.

إقرأ الخبر من مصدره