الأشغال بدات فتيران طنجة.. الحلبة المطاطية كيحيدو فيها باش يزيدو الكراسا ويغطيو الملعب

كود سبور//

بدات الاشغال فتيران طنجة الكبير للزيادة فالطاقة الإستعابية ديالو، وإعادة تأهيلو حيث داخل مع التيرانات المغربية اللي كاينة فملف ترشح المغرب وإسبانيا والبرتغال لتنظيم كأس العالم 2030.

الأشغال فتيران طنجة الكبير بدات بإزالة الحلبة المطاطية الزرقاء اللي كاينة حول المستطيل د العشب، وراه بدا فيها الحفر لتجهيزها باش يكونو فيها مقاعد جداد وإضافية باش توصل الطاقة الاستيعابية للجماهير بالملعب لحوالي 80 ألف، وكذلك غيتم تغطية التيران بشكل كامل.

وراه غتكون إعادة الأشغال فكل من ملعب طنجة الكبير، وتيران مولاي عبد الله بالرباط، وتيران فاس الكبير، وتيران مراكش وملعب فاش، أما كازا فغيتبنا فيها تيران جديد بمنطقة بن سليمان، وهذا الشي داخل ضمن الاستعدادات لترشح المغرب مع إسبانيا والبرتغال ضمن ملف مشترك لتنظيم مونديال 2030.

إقرأ الخبر من مصدره