كود سبور//
دخلت الدولية المغربية ابتسام الجرايدي تاريخ كرة القدم المغربية، بتسجيلها أول هدف للمنتخب الوطني المغربي النسوي فمونديال العيالات.
ونجحت ابتسام الجرايدي، أنها تمنح المغرب أول هدف فكأس العالم للسيدات، بتسجيلها للمنتخب المغربي على كوريا الجنوبية الهدف الأول فالماتش اللي بادي دابا من اليوم الأحد 30 يوليوز 2030، برسم الجولة الثانية من كأس العالم 2023، بأستراليا ونيوزيلاندا.
هدف إبتسام الجرايدي على كوريا الجنوبية جا فالدقيقة 6 د الماتش، بعد تمريرة زيونة من حنان أيت الحاج، ضربتها ابتسام الجريدي وصيفطتها للمرمى د المنتخب الكوري، وعطات التقدم للمنتخب المغربي.
المهاجمة ابتسام الجرايدي مولات 30 عام، اللي كتلعب مع الأهلي السعودي وسبق لها لعبت مع الجيش الملكي، كتعتبر من اللاعبات المهمات بالمنتخب الوطني المغربي، اللي كيشارك لأول مرة فالتاريخ ديالو بكأس العالم للسيدات.
Laisser un commentaire