تشافي: ديمبيلي علمنا أنه غيمشي من البارصا إلى PSG ومبغاش يقول علاش

كود سبور//

أكد تشافي هيرنانديز مدرب البارصا الإسباني أن الفرنسي عثمان ديمبيلي، باغي يمشي يلعب ففرنسا مع باريس سان جيرمان الفرنسي.

وكشف تشافي خلال حوار دارو مع قناة TV3، أن عثمان ديمبيلي علمهم بلي باغي ينتقل يلعب مع باريس سان جيرمان الفرنسي، وقريب غيمشي.

ووضح تشافي: “ما نقدروش نتنافسو مع العرض ديال باريس سان جيرمان، حيث داكشي اللي عطاو لديمبيلي ماكاينش فسوق الانتقالات.

وبخصوص سبب رغبة ديمبيلي أنه يمشي من البارصا إلى PSG قال تشافي: “كيألمني الرحيل ديالو حيث دوز معنا وقت زوين، سولتو علاش باغي يمشي ولكن ما قالش ليا شي سبب واضح أو مقنع، يمكن السبب شخصي”.

إقرأ الخبر من مصدره