“ليكيب” الفرنسية:  فرنسا مكانتش كتتخيل تلعب مع المغرب وبزاف ديال اللبوءات اللي كيلعبو للمغرب دبا كانو فالبطولات الأوروبية

كود ـسبور//

قالت صحيفة” ليكيب” الفرنسية، أن الفريق النسوي الفرنسي غيلعب فالدور 16 نهار الثلاثاء مع خصم مكانش على بالو كاع.

وأضاف أن الناس مكانتش كتتخيل لبؤوات الأطلس يوصلو للمركز الثاني فالمجموعة من بعد الخسارة الثقيلة قدام ألمانيا.

وصرح رينالد بيدروس، مدرب المنتخب المغربي النسوي، أن “الفريق المغربي كان كيكتشف المنافسة وكانت مباراة خاصة افتتاحية لكأس العالم ضد فريق ألمانيا اللي صعيب”.

وأضاف، أن كل شي ممكن، وأن هدفنا ماشي هو نوقفو فالدور الـ16، ولكن بغينا نتأهلو، مضيفا أن الفريق الفرنسي حتى هو فريق قوي وعندو لاعبات عندهم خبرة ولكن ألى كانت عندنا  رغبة غنتأهلو”.

وأشارت الصحيفة الفرنسية أن لقاء المغرب مع فرنسا عندو نكهة خاصة ومختلف لأن بزاف ديال اللاعبات المغربيات بناو حياتهم ففرنسا، بحيث كتلعب 13 لبوءة أطلس فالبطولات الأوروبية، بما في ذلك ستة ففرنسا.

إقرأ الخبر من مصدره