لحبيب حاجي على الحكم اللي صدر ضد حامي الدين: خذل المحاكمة العادلة وما حتارمهاش وما فهمتش علاش المحكمة بدلات التكييف

كود تطوان ///

وصف المحامي والحقوقي لحبيب حاجي الحكم الصادر ضد قيادي العدالة والتنمية حامي الدين =ثلاث سنوات= فقضية قتل المناضل اليساري ايت الجيد٬ بكونو “حكم ما حتارمش المحاكمة العادلة وخذلها. حجي كدفاع ذوي الحقوق وكحقوقي لكونو رئيس جمعية الدفاع عن حقوق الانسان٬ قال ل”كود” ان هاد الحكم لم ينصف “الشهيد ايت الجيد” وكان قاصرا مغفلا للعديد من العناصر الاساسية في هذه القضية. وباللي 3 سنين اللي حكمو عليه بها على حامي الدين راه كيتحكم عليها شي ولد كيبيع طريفات لحشيش وكيبقى معتقل ماشي بحال اللي وقع لحامي الدين

وذكر حاجي فتصريحو ل”كود” انو سبق لهاد العناصر اللي ما تجبداتش فالحكم٬ ان اثارها قاضي التحقيق وبينها بالملموس في قرارو. حجي ذكر ان كل هاد العناصر كدين حامي الدين بالمساهمة في القتل العمد مع سبق الاصرار والترصد٬ واضاف ان النيابة العامة دافعت فهاد المحاكمة على تلك العناصر بل انها بينات عناصر جديدة باش بغى يتكلم المتهم بعد ان لزم الصمت امام قاضي التحقيق.
وذكر فتصريحو ل”كود” باللي الدفاع ركز مزيان على ديك التفاصيل الدقيقة والاستشهاد باقوال الشهيد وانه كدفاع ناقشها بالتفاصيل المملة.

واستغرب حاجي فتصريحو ل”كود” من اقدام المحكمة تبديل التكييف من المساهمة في القتل العمد مع سبق الاصرار والترصد الى “الضرب والجرح المفضي الى الموت دون نية احداثه”. وقال “المحكمة ما كانش خاصها تبدل التكييف. راه باش بدلاتو بحال ايلى برءات الدولة ومعاها الاسلام السياسي فعملية الاغتيال هادي.

واشار الحقوقي فتصريحو ل”كود” ان داك الاغتيال راه فعل مشترك بين الدولة هاد الاسلام السياسي اللي كان اداة بيد دولة سنوات الرصاص كما سميتها. واكد باللي اليوم كاين جو اخر اللي فيه تصفية بقايا تلك السنوات

إقرأ الخبر من مصدره