كيفاش “دوزيم” و”انوي” مخلية تافهين “الفرقة” يستغلو صورة رئيس الدولة باش يدافعو على فضايحهم فاستراليا. راه مسؤولية القناة وشركة الاتصالات

كود هند لكلاوي مراكش ///

فضيحة اخرى تزادت على فضايح “الفرقة” اللي جابتها “دوزيم” وعطات لهاداك سعد عبيد وداك الطبيب عبيد وديك هند جبارة المدعية التمثيل وهاديك الغبية مريم القدميري٬ عطاتهم برنامج كيدوز فبلاصة مزيانة: بعد المسلسل التركي وقبل نشرة الاخبار.

هاد لفضيحة هما اللي صوروها فسيدني الاسترالية. فيها بغاو يبانو باللي مغاربة استراليا استقبلوهم ودارو ليهم احتفال. كيضحكو علي لمغاربة وصافي.

قبل ما نهدرو علي هاد الاحتيال اللي بغاو يديروه٬ نهدرو على ما هو اخطر. هاد الفرقة مشات بفلوس “انوي” فصفقة غريبة دارتها “دوزيم” مع شركة الاتصالات وبينات سياسة هاد الشركة الجديدة فدعم التفاهة٬ استغلات صورة الملك محمد السادس. استغلت الملك باش توهم الناس باللي كيخدمو لبلاد.

كيفاش قبلو تكون صورة الملك وتجبد اسم فوزي لقجع رئيس الجامعة الملكية لكرة القدم. الجامعة كانت نفات عبر “شوف تيفي” علاقتها بهاد لكمامر.

نرجعو للي سماوه تكريم. كذوب وتدليس وصافي. هادو كيستغلو القناة العمومية “دوزيم” باش يبانو باللي راهم صحافيين وهادا انتحال صفة خطيرة ساكتين عليها النقابة والمجلس الوطني للصحافة والناشرين.

دابا “دوزيم” و”انوي” كيعاونو وحدين كيوظفو صورة الملك حتى فامورهم الشخصية. شوفو فين وصلنا. صورة رئيس الدولة وصورتهم الفوق. ذليل القناة وشركة الاتصالات بجوجهم مسؤولين على هاد الاستغلال وقبل مسؤولين على التفاهة اللي كيروجوها.

اللي معتمد بصفة رسمية من قبل “دوزيم” هما الصحافيين الثلاثة : جوج وكاميرامان. الباقي غير انتحال صفة بمبارة الادارة العامة للقناة ودعمها المالي وغيرو

إقرأ الخبر من مصدره