“كّود” سبور //
الفرنسي رينالدس بيدروس مدرب المنتخب المغربي لكرة القدم النسوية سبقلو قال لبارح فالندوة الصحفية اللي سبقات الماتش ديال فرنسا، أنو فرنساوي صحيح لكن قلبو مغربي.
واليوم بيدروس أكد هادشي أثناء عزف النشيد الوطني المغربي قبل بداية مباراته أمام فرنسا حيث شداتو الكاميرا وهو كيعاود كلمات النشيد المغربي بوضوح حتى وصل لشعار المملكة وقالها بالجهد “الله الوطن الملك” بحالو بحال أي مواطن مغربي.
بيدروس كيأكد بهاد التعلق ديالو للمغرب لطافة وتسامح الشعب المغربي وتعايشه مع الاجانب، حيثاش قبل بيدروس دازوا أجانب كثار عاشوا فالمغرب وعشقوه بحال البرازيلي فاريا والفرنسي رونار والويلزي توشاك وعدد كبير من الفنانين والادباء والسياسيين اللي مانساوش خير المغرب أبدا.
Laisser un commentaire