كود سبور//
أكدت غزالا الشباك لاعبة المنتخب المغربي للسيدات، أن لاعبات كرة القدم المغربيات راه كيدافعو لأجيال عن قضية إنسانية، أكثر من أنها مجدر رغبة فممارسة لعبة أو رياضة، وهاد الشي بسبب المجتمع الذكوري، اللي ورث أجيال ورا أجيال عقلية متصلبة ومتحجرة كتقدس الذكر وكطيح من قيمة الأنثى.
وتحدثت الكابيتان ديال المنتخب المغربي للسيدات على إنجاز المغرب فمونديال العيالات 2023، بالوصول إلى ثمن النهائي، وقالت فتصريح لموقع “كود”: “الإنجاز اللي حققنا فكاس العالم خدمو عليه بزاف ديال اللاعبات قبل منا، اللي كانو ناضلو من أجل كرة القدم النسوية، والدور ديالنا جا وحاولنا نعطيو كاع جهدنا باش نشرفو كرة القدم النسوية المغربية والعربية”.
وكملت الشباك، وقالت: “كنتمناو من الناس يغيرو النظرة ديالهم للاعبة كرة القدم، ويعطيوها حتى هي الفرصة باش تقول الكلمة ديالها، باش نزيدو نوضو بهاد الرياضة وديما الكرة النسوية تكون حاضرة فالمحافل الدولية بحال المونديال”.
Laisser un commentaire