كود سبور//
دعا الدولي المغربي ياسين بونو حارس إشبيلية الإسباني بالشفاء لصاحبو البلجيكي تيبو كورتوا كول ريال مدريد اللي مريض.
وتفاعل ياسين بونو مع خبر اصابة تيبو كورتوا فالركبة، وخضوعو لعملية جراحية فليكامون، ونشر صورة ديالو معه فسطوري بأنستغرام تمنى له الشفاء، وهي الخطوة اللي تفاعل معها الكول البلجيكي وحتى هو حط سطوري شكر فيه ياسين بونو على الاهتمام ديالو.
للإشارة، فياسين بونو هو أقرب كول مرشح ياخذ بلاصة تيبو كورتوا فريال مدريد الإسباني حسب جريدة “ماركا” الإسبانية، حيث الكول البلجيكي عطاه الطبيب الراحة والعلاج حتى أبريل الجاي، وراه سبق للحارسين لعبو فأتليتيكو مدريد وتماك فين بدات الصحبة ديالهم.
Laisser un commentaire