واش هاد الشي راجع لأسباب سياسية؟ وزارة الثقافة رفضات تدعم شحال من تظاهرة ووزارة الدخلية شدات بلاصتها

كود أكادير//

عدد كبير من التظاهرات الثقافية والفنية، وبالأخص المهرجانات رفضات وزارة الشباب والثقافة والتواصل تدعمهم والأسباب مجهولة.

هاد العام شحال من مهرجان، خصوصا فجهة سوس ماسة لي فيها مهرجانات اكثر من غيرها من جهات المملكة، دعماتهم وزارة الداخلية عوض وزارة الثقافة ديال بنسعيد لي مكتفي بمهرجان نظمو فالرباط هاد الأيام وجايبين ليه عدد من الفنانين بحالkouz1.

وفتصريح لـ”كود” قال مدير مهرجان معروف فمنطقة سوس إنه واخا حاطين طلب الدعم لوزارة الثقافة من شحال هادي باقين ما تلقاو حتى جواب من عندها، وهادا ماشي المهرجان الوحيد لي مجاوباتش عليه الوزارة.

عدد من الفعاليات الثقافية فجهة سوس ماسة ربطات عدم دعم التظاهرات بمشكل بين الأحرار والبام خاصة وأن مهرجانات فتارودانت نظموهم ناس قراب من البام عطاوهم دعم ومناطق اخرى بحال تافراوت لي فيها الناس دالأحرار ماتعطاهوم والو.

إقرأ الخبر من مصدره