كود الرباط//
الشيخ السلفي ياسين العمري للي كيهضر فكولشي ويناقش الفيزياء والمرأة والطب والعلم والحركة النسائية ووو، فشل يجادل مغربي سولو سؤال بسيط :”عطيني دليل على نبوة الرسول، عطيني دليل على ان الرسول كيهضر فعلا مع الله”.
الشيخ مقدرش يجاوب وبدا يدخل ويخرج فالهضرة، بلاصت يعطي اجوبة وادلة على النبوة، صيدو مغربي بسؤال قاليه يلا عطيتيني دليل على النبوة ديال الرسوم محمد غادي نسلم.
التسجيل الصوتي للي تسرب فاليوتيب فرش الشيخ العمري لي مولف غير الاتباع والسمع والطاعة، مبغاش شي حد يجادلو، فهاد التسجيل بدا المتصل بسؤال العمري واش كاين دليل بلي الرسول تواصل مع الله.
جاوبو العمري بسؤال واش كتأمن بلي الله على كل شيء قادر، اذن قادر يصيفط الانبياء ويتواصل معهم، لكن الشاب المغربي رد عليه بالقول :”ولكن شنو الدليل بلي دوك الانبياء تواصلو معه؟”.
الشيخ هنا كعا، وبدا كيقوليه واش نبداو نقريوك السيرة النبوية. ولكن مقدرش يجاوب على دليل بلي الرسول صادق فداكشي لي كيقول، واش كاين دليل ؟. والو مجاوبش.
فهاد المكالة تبين بلي الشيخ العمري وغيرو رأسمالهم دغدغة العواطف، ميقدروش يتجادلو، هادو باغين يخربو عقول الشباب بالتخرببق ويردوهم كلهم متبوعين ميسولوش ميشكوش.
هاد التسجيل خلات واحد العدد يشككو فالقدرات العلمية لهاد الشيخ لي كيحارب الحريات ويحارب الفن ويضرب فالشيخات.
Laisser un commentaire