كود سبور//
ربح فريق الوداد الرياضي اول ماتش له تحت قيادة المدرب عادل رمزي، اللي شد الواك مع نهاية شهر يوليوز الماضي، وبعد العودة من المشاركة المخيبة فكاس العرب بالسعودية، بدا الفريق معسكر تدريبي فمدينة مراكش وفيه ماتشات أميكو.
الوداد الرياضي لعب ماتش أميكال ضد اولمبيك اسفي مساء اليوم الثلاثاء بمدينة مراكش، وربح الفريق الاحمر المباراة بنتيجة واحد لزيرو بهدف ماركاه اللاعب زكرياء دراوي فالشوط الاول، وبقات كما هي حتى سالا الماتش.
وكانت المواجهة بين الوداد واولمبيك اسفي فرصة بالنسبة للمدرب عادل رمزي، باش يجرب أكبر عدد من اللاعبين، وهذا هو أول ماتش كيربحو رمزي مع الواك ملي جا للفريق قبل أسابيع، بعدما تعادل 2 ماتشات وخسر ماتش فكاس العرب.
Laisser un commentaire