عطل تقني نوض الروينة فبانكة فايرلندا.. دوز للناس الزبابل ديال الفلوس بالغلط – فيديو

وكالات//

بنك أيرلندا عتاذر بعدما وقعات روينا بسباب عطل تقني خلا كاع لعملاء ياخدو زبابل ديال لفلوس لقيمة ديالها فاتت دكشي لي عندهم فلحساب ديالهم، والبنك صيفط مساج لكاع لهاد ناس لي ستفادوا من لفلوس بسباب هادشي لي وقع، وقاليهم يرجعو دكشي لي خداو.

بسباب هاد العطل لي وقع فلبنك، صفوفا ديال بنادم ولات واقفة قدام لݣيشيات، وبقات هاد روينا حتال نصاصات ليل ولخبار تنشرات فسوشل ميديا، وهادشي خلا لبوليس فلبلاصة يحضر باش يشوف شنو واقع.

وكالة الأنباء الفرنسية قالت أن التقارير بينات أن لعملاء مكان عندهم والو فحسابهم، وخرجو زبابل ديال لفلوس، والمصرف حذرهم باش ميصرفوش هدوك لفلوس لي دازو ليهم بلغلاط، وأن لبنك غادي يحيدها ليهم باش ميغرقوش فديون.

https://x.com/skynews/status/1691746141938004083?s=61&t=9zIPewlcVtvIXMhBWgaOog

إقرأ الخبر من مصدره