كود سبور//
تأهل العداء المغربي سفيان البقالي، لفينال سباق 3000 متر موانع لبطولة العالم لألعاب القوى، اللي كاينة فمدينة بودابست الهنغارية نسختها الـ 19.
البقالي جا فالمركز الثاني مع المجموعة الثانية، ودار 8 الدقايق و23 ثانية و66 جزء من المائة وغايشارك فالنهائي نهار الثلاثاء الجاي.
وما تمكنوش المغاربة محمد تيندوفت وصلاح الدين بنيزيد ومحمد مسعد من مرافقة البقالي نحو النهائي، حيث حل تندوفت فالمرتبة السادسة في السلسلة الأولى، وبنيزيد فالمرتبة العاشرة فالسلسلة الثانية، فيما جا مسعد فالمركز التاسع فالسلسلة الثالثة.
وتجدر الإشارة أن المغرب ممثل في هاد النسخة من بطولة العالم لألعاب القوى، بـ 17 عداء وعداءة ( 12 رجال – 5 عيالات).
وسبق للمغرب أن حصد 31 ميدالية ف 18 مشاركة فهاد البطولة العالمية.