كود هناء ابو علي ///
واش محاكمة المنشط فاذاعة راديو مارس عادل العماري وبرلماني ورئيس اولمبيك اسفي محمد الحيداوي كان خاصها تكون ابتدائيا. هادو تابعو بجنحة وكانت التهمة “محاولة النصب، بيع تذاكر المباريات بدون ترخيص وبسعر أعلى” وتحكمو بعام ونص لرئيس اسفي و10 اشهر بالنسبة للمنشط الصحافي.
دابا غادي يتقدمو وحدين خراين بعد ما تسالي التحقيقات تحت اشراف النيابة العامة. يقدر يفوت العدد 30 واحد. النيابة العامة دارت سلطة الملاءمة باش يتابعو بجنحة ولكن لا اللي دازو لا اللي جايين خاصهم يتابعو جناية. علاش؟
اولا حقاش التذاكر شراتها الجامعة الملكية لكرة القدم والجامعة راها جمعية خاضعة لظهير 58 كتاخد فلوسها من الدولة اي هادا مال عام.
ثانيا باش كيكون المبلغ فايت 10 مليون سنتيم سواء رشوة او اختلاس كتطلع جنايات. خاص كلشي يمشي لغرفة جرائم الاموال. راه التحقيقات وصلات باللي المبالغ كبر من 100 الف درهم
دابا مازال امام القضاء الجالس فرصة لتصحيح الوضع ويدير اعادة التكييف لهاد القضية وتحيلها على جرائم الاموال