اسبانيا ربحت كاس العالم للسيدات لاول مرة فتاريخها بعدما ربحات النكليز فالفينال

كود سبور//

ربحت اسبانيا كاس العالم للسيدات لاول مرة فتاريخها، وهذا الشي بعدما فازت اليوم الاحد على منتخب انجلترا فالفينال ديال مونديال 2023، اللي تنظم بأستراليا ونيوزيلاندا.

وسالا الفينال بين اسبانيا المفاجأة الكبيرة ديال كاس العالم للسيدات 2023، والمنتخب الانجليزي بنتيجة هدف واحد لزيرو لمصلحة الاسبانيات، وهو الهدف اللي ماركاتو أولكا كارمونا فالدقيقة 29، وكان المنتخب الاسباني قريب يزيد هدف ثاني فالدقيقة 69، ولكن جينيفر هيرموسو ضيعت بيلانتي وتألقت الكولة الانجليزية ماري إيربس وجبداتو.

وبهذا النتيجة قدر المنتخب الاسباني للسيدات يربح كاس العالم للسيدات، لاول مرة فالتاريخ ديالو، مع العلم انه عمرو ما فات دور ثمن النهائي قبل كاس العالم 2023، وهكذا كيكون عادل انجاز منتخب الرجال المتوج بكاس العالم مرة واحدة كانت عام 2010, أما المنتخب الانجليزي اللي حتى هو لعب لاول مرة الفينال، قنع بوصافة بطل العالم.

إقرأ الخبر من مصدره