منظمة القلم الدولية: سليمان الريسوني مخصوش يبقى في الحبس بسبب تهم ملفقينها ليه ومحاكمة غير عادلة

سامي العلوي -گود كازا //

نشرات منظمة القلم الدولية PEN MENA تدوينة على صفحتها على فايسبوك تتقول فيها ان الصحافي ورئيس التحرير القديم ديال جريدة أخبار اليوم من مورا متشد مولاها توفيق بوعشرين، على أن سليمان الريسوني خصو يخرج من الحبس وباراكا ميبقاو شادينو بتهم ملفقة ومحاكمة انعادمات فيها شروط العدالة.

هاد التدوينة زادت قالت فيها منظمة القلم الدولية مخصش القضاء يعتبر الصحافي مجرم حينت كيقول رأيو فشي مواضيع.
ودعات المنظمة الناس باش يشاركو المطالبة باش سليمان الريسوني يخرج من الحبس.

الريسوني محكوم بخمس سنين ديال الحبس دوز منها حتى لدابا اكثر من ثلاث ديال السنوات وباقي ليه اقل من عامين، تعتقل في عشية ديال رمضان فعشرين ماي 2020 بتهمة هتك عرض ديال شخص مثلي الجنس سميتو آدم.

القضية دارت بوم من الاعتقال حتى للمحاكمة ومزال عليها الهضرة خصوصا مني محكمة النقض أيدات الحكم

إقرأ الخبر من مصدره