حمد الله محيح فالسعودية وباش ما بغاو كيماركي لهم.. وبونو ربح اول ماتش مع الهلال

كود سبور//

كيواصل الدولي المغربي عبد الرزاق حمد الله التألق فالبطولة السعودية، وسط نجوم العالم اللي تجمعو كاملين هذا العام عند السواعدة.

وحيح عبد الرزاق حمد تاني مع اتحاد جدة ضمن الدورة 3 من البطولة السعودية وقدر يساهم فرباح الفريق على الرياض، بنتيجة 4 لزيرو، ماركا منها حمد الله 2 بيوتا واحد من بيلانتي و واحد من ضربة مقص، اما الفرنسي كريم بنزيما كان هو اللي افتتح التسجيل الهدف الرابع ماركاه صالح العمري.

من جهة اخرى شارك النجم المغربي الاخر ياسين بونو مع الفريق ديالو الهلال السعودي فاول ماتش له، وساهم فالرباح على فريق الرائد اللي كيلعب فيه المغربي كريم البركاوي، حيث تصدى لجوح كواري واعرين، وسالا الماتش بفوز الهلال بنتيجة 4 لزيرو.

إقرأ الخبر من مصدره